QUIÉN

“Vanesa, Pablo y Juan llevábemos dellos años trabayando na producción ecolóxico, con unos ivernaderos nel conceyu de Gráu. Nel añu 2016, naguando por dar un saltu y pasar a ellaborar un productu, xuntámonos con Ángel, que venía de trabayar nuna fábrica de cerveza n’Alemaña y asina foi como ñació la idea de la nuesa fábrica de cerveza”

Les primeres cocciones ficímosles na cocina de casa, con potes de 25 llitros, y dende ehí avancemos pasín ente pasu. Entamémosla dempués cola fábrica nel Polígonu de La Cardosa, en Gráu, fuimos consiguiendo materiales y recetes, constituyimos la cooperativa y asina, a lo cabero d’esa primavera, Asgaya vio la lluz.

Nos años vinientes fuimos buscando’l nuestru sitiu y enanchando la variedá de cerveces. Consiguimos nuevos tanques y materiales. Acompañáronnos los tiempos y foron abriendo malteríes ecolóxiques. Tamién apaecieron productores de llúpulu n’ecolóxico cercanos y la xente escomencipió a esfrutar de bona cerveza. Asina que dellos años dempués, entá siguimos deprendiendo, anovando, ameyorando les téuniques y esfrutando de facer el productu que más nos presta.

QUIÉN

“Vanesa, Pablo y Juan llevábemos dellos años trabayando na producción ecolóxico, con unos ivernaderos nel conceyu de Gráu. Nel añu 2016, naguando por dar un saltu y pasar a ellaborar un productu, xuntámonos con Ángel, que venía de trabayar nuna fábrica de cerveza n’Alemaña y asina foi como ñació la idea de la nuesa fábrica de cerveza”

Les primeres cocciones ficímosles na cocina de casa, con potes de 25 llitros, y dende ehí avancemos pasín ente pasu. Entamémosla dempués cola fábrica nel Polígonu de La Cardosa, en Gráu, fuimos consiguiendo materiales y recetes, constituyimos la cooperativa y asina, a lo cabero d’esa primavera, Asgaya vio la lluz.

Nos años vinientes fuimos buscando’l nuestru sitiu y enanchando la variedá de cerveces. Consiguimos nuevos tanques y materiales. Acompañáronnos los tiempos y foron abriendo malteríes ecolóxiques. Tamién apaecieron productores de llúpulu n’ecolóxico cercanos y la xente escomencipió a esfrutar de bona cerveza. Asina que dellos años dempués, entá siguimos deprendiendo, anovando, ameyorando les téuniques y esfrutando de facer el productu que más nos presta.

PORQUÉ

“Entamemos esti proyeutu un grupu de xóvenes que vivíemos y vivimos na fastera rural, buscando crear el nuesu emplegu propiu nel pueblu pa nun tener qu’emigrar a les ciudades a trabayar”

Tuviemos siempre nidio que queríemos trabayar de mena respetuosa col mediu ambiente, con ingredientes ecolóxicos y, na midida de lo posible, de cercanía. Tamos certificaos pol COPAE y mercamos les materies primes a los productores n’ecolóxico más cercanos (bona parte del llúpulu y la malta vienen de Lleón).

Tamién sabíemos que queríemos formar un modelu de trabayu respetuosu pa coles persones.

Poro, constituyímonos como cooperativa, un sistema nel que trabayamos, cobramos y decidimos por igual.